Urezti - Itsasmendi

Ustekabea, Bizkaiko zapore gozoa

Itsasmendi Urezti Bizkaiko Slow Food kutxako produktua da. Ureztik duen produkzio txikiagatik eta bere kalitateagatik artisautzazko goi-goi mailako produktutzat jo liteke. Horregatik esan ahal da lurrak ematen dituen produktuen balorea nabarmendurik ateratzen dela kasu honetan.

Itsasmendi Urezti Mahats-biltze Berantiarra Atlantikoko inguruetako lurretan egiten diren mota honetako beste batzuen antzekoa da. Besteak beste, Sauterne, Barsac eta Jurançon aldeetakoak. Ardo hauetako mahatsek mahatsondoan bertan gehiegizko heltze-prozesu bat lortzen dute, ez baitira biltzen azaroaren erdi ingurura arte. Gure upategian 2001 urteaz geroztik egiten da ardo mota hau.

Urre-koloreko hori distiratsua da. Sudurrean usainen konplexutasuna nabaritzen da argiro: gehiegi heldutako mahatsaren usainak, laranja azala, madaria, argizaria eta amaitzeko, nahiz eta epe labur batez baino ez izan, haritzezko barriketan egon izanak erantsi dizkion ezti eta espezien ukituak. Botilan ondu eta gero, dastatzean ahoan gozoa, trinkoa, koipetsua, iraunkorra gertatzen da. Hondar-azukrea eta mingostasunaren arteko oreka bikaina du eta sudur-atzea usaintsua da.

TXAKOLINA EROSI

Alkohola

12%

Azkenengo uzta

2020

Iparraldeko mahats-biltze berantiarra azidotasunaren eta gozotasunaren arteko oreka perfektua

Barietateak

Hondarrabi Zuri Zerratie gehiena, baina baita Izkiriot Handiren portzentaje txikia ere.

Bitikultura

Mahastian bertan lar heldutako mahatsek bere pasfikatze naturala lortu dute mahastian bertan. Mahats-bilketa azaroaren 26an egin zen.

Elaborazioa

Bizkaiko Txakolina Jatorrizko Izenaren pean egindako Lehen Txakolin Mahats-biltze Berantiar hau 2001ean hasi zen produzitzen. Haritz frantsesezko kupelean 3 hilabetez ondu ondoren, beste hilabete bat gehiago eman du kupeltzarrean.

Dastaketaren ezaugarriak

Urre-hori kolorekoa, gaztetasuna erakusten duten izpi berdak ditu.

Sudurrean aroma oso sendoak daude; mandarina azala bezalako zitrikoak eta fruta tropikalak nabarmentzen dira. Atzean mihilua dago eta baita haritz frantsesezko kupel berritan izandako ontzeak emandako konplexutasuna eta fruitu lehorren aromak ere.

Ahoan azidotasunaren eta gozotasunaren arteko oreka perfektua sentitzen da, mertxika konfitatua eta laranja daude batez ere. Amaiera luzea du, datilen eta almendra garratzaren moduko fruitu lehorren zantzuak daude.